志明與春嬌 = Love in a PuFF

琴日終於睇o左Mr. W好想好想睇o既"志明與春嬌", 想睇o既原因係2位主角楊千嬅&余文樂都係Mr. W超級喜歡的!

故事發生係香港呢個繁榮o既城市 , 係2007年1月1號開始, 香港實施室內全面禁煙, (Mr.W都記得當晚係同朋友去打麻雀,前幾晚都仲食得煙, 無奈當晚已經唔可以啦,所以我地決定唔打,咁樣人地就冇左一單生意啦!) anyway, 志明同春嬌都係因為公司唔食得煙,所以去公司附近的有利位置同其他煙民"打邊爐",佢o地就係咁樣認識 , 就因為室內全面禁煙, 令到大部份人都走到街上, 由互不相識,到一齊"煲煙",到有發展o既機會~ 呢個禁煙真係可以造就o左唔少煙民呢~

春嬌就因為志明有一次主動幫佢點煙,就係呢個細微o既動作,令春嬌係云云煙友中對志明留下深刻的印象.之後...唔多講,希望你地會去睇~~

雖然呢一部唔係什麼大製作, 但就係因為佢o既故事實在太貼身, 所以有一種"中晒呀" o既感覺. 入面o既情節相信大家唔多唔少都會有同感,如果呢套戲唔係III級,一定會有更多人可以睇到,因Mr. W覺得18歲以下的小朋友都應該有機會睇睇, 呢部可以講係近期比較出色的港產片!!

*希望大家有時間都去睇睇啦~~